Ansika (meaning beautiful)

ఏ ఉదయ కిరణాల కమలిని నీవో
ఏ అంబర వర్ణాల సాహితి నీవో

ఏ సాగర తీరాల లాహిరి నీవో
ఏ సంధ్యా రాగల పల్లవి నీవో

ఏ  పూల  గంధాల  హాసిని నీవో
ఏ కొమ్మ గొంతుల శ్రావణి నీవో

ఏ వాన మబ్బుల మెరుపువి నీవో
ఏ జల్లుల చినుకుల  పిలుపువి నీవో

ఏ కోయిల పాటల ఆమని నీవో 
ఏ గాలుల  వీణల తీగవి నీవో

ఏ కన్నుల  కలల రాగిణి నీవో
ఏ రంగుల ముగ్గుల హరివిల్లువి నీవో

ఏ వలపుల కోవెల వెలుగువి నీవో
ఏ వెన్నెల  కాంతుల సోగసువి నీవో

ఏ ఊహాల చిత్రాల రేఖవి  నీవో
ఏ మల్లెల నవ్వుల యామిని నీవో

ఏ మువ్వల పదముల రవళి వి నీవో
ఏ  తలపుల కవితల వాణివి నీవో

నడిపావు కాలం స్పందనై
నిలిపావు ప్రాణం ఊపిరై

మెరిసావు గగనాన తారాకై
మెదిలావు  హృదయాన దీపమై